睇住流奶皇包!相机食先新派茶楼 【尖沙咀食乜好】

  • 作者:
  • 时间:2020-07-27
好多人出街食饭都有一个宗旨,就係要相机食先。有无谂过去饮个茶、食个包都可以揸紧呢个宗旨呢?喺尖沙咀新开张嘅「饮茶」,名副其实係一间茶楼畀大家饮茶,不过与一般茶楼不同。呢度主打新派中菜,除咗有开放式嘅厨房,畀食客望住厨师煮食,出品嘅点心及中菜都带有玩味元素。事不宜迟,即刻向大家介绍。

睇住流奶皇包!相机食先新派茶楼 【尖沙咀食乜好】
睇住流奶(奶黄包) $49/3件

「睇住流奶」,见到个咁搞笑嘅菜名,就知道食呢个奶黄包,要小心流哂奶黄出嚟。一笼三件嘅奶黄包,橙黄色加上有对眼晴嘅造型,笃穿个包之后,睇住佢流奶黄出黎,同个包你眼望我眼,真係搞笑。

 

同样造型都Super Cute嘅仲有「一笼八戒」,一笼三件猪仔造型嘅叉烧包,望住个包咁可爱,真係唔忍心食落肚,唯有食之前影多几张相留念啦⋯⋯

睇住流奶皇包!相机食先新派茶楼 【尖沙咀食乜好】
一笼八戒(叉烧包) $49/3件

上个年代,有好多人都会带个雀笼去茶楼叹茶,同其他雀友倾下雀仔经,但呢个景象喺香港买少见少。不过,大家而家可以喺「饮茶」嗌个「鸽吞凤梨」,试下另类体验。

睇住流奶皇包!相机食先新派茶楼 【尖沙咀食乜好】
鸽吞凤梨 $49/3件

鸽吞凤梨其实係一个雀笼入面,有三件雀仔造型嘅凤梨酥,外皮香酥,凤梨馅蓉有一丝丝凤梨,都係一个唔错嘅甜食。

最后,再推介多个呃Like之甜品。呢款点心「可可脆球」係有馅煎堆,入面唔係莲蓉芝麻,而係流心朱古力!一上菜,都唔好咁急放落口,因为「可可脆球」内馅好热,同埋超流心,摊冻一阵先食啦!

一入店内,个感觉唔似係一间中菜餐厅,店内环境主色係金同灰色,周围有蒸笼同雀笼等等中式摆设,再加上开放式厨房设计,简直就係完美嘅中西合璧。

睇住流奶皇包!相机食先新派茶楼 【尖沙咀食乜好】
餐厅主色调係灰色同金色,尽显现代且典雅的格调。
睇住流奶皇包!相机食先新派茶楼 【尖沙咀食乜好】
开放式厨房设计,并有蒸笼装饰。
睇住流奶皇包!相机食先新派茶楼 【尖沙咀食乜好】
雀笼摆设注入中西元素。

而且,呢度所用嘅黄色茶包、透明茶杯、鲤鱼餐碟,并且用桃红色绣花鞋做牙籤筒,都贯彻结合中西式感觉。

 

一边歎住一盅两件,一边欣赏咁正嘅环境,再加上相机食先,完全满足到各位嘅要求呀!

YUM CHA

地址:九龙尖沙咀加连威老道20-22号Attitude Hotel 3楼

电话:2751 1666

营业时间:星期一至日 11:30am-11pm(Last Order:10:30pm)